კატა, რომელიც ქალს უსმენდა

წიგნის ავტორმა გადაწყვიტა ფსევდონიმად “მარტოხელა” აერჩია. რადგან ფიქრობს, რომ წიგნში მოყოლილი ამბების გამო საზოგადოების წნეხს ვერ გაუძლებდა.

წიგნის რედაქტორი ინგა გამსახურდიშვილი. მისი წინასიტყვაობის ავტორი მაგდა ჩინიჯიშვილი კი წერს:

“თუ წერის სტილთან და ტექნიკასთან ერთად ავტორი გაგრძნობინებს, რომ მის მიერ დაწერილი წიგნი სიმართლეა… რომ ეს ამბავი შენს ცხოვრებაშიც მომხდარა, ისევე როგორც სხვების ცხოვრებაში, მაშინ ეს ამბავი აუცილებლად უნდა მივიდეს მკითხველამდე. მკითხველმაც უნდა იგრძნოს, რომ მასავით სხვებსაც სტკენია, სხვების ცხოვრებაშიც იყო უიმედობა, დაცემა, აღდგომა, კათარზისი და, რაც მთავარია, სიყვარული. ეს პროცესი, მკითხველისთვის შვების მომგვრელია – ის იღებს გამოცდილებას და, ასევე, შვებისმომგვრელია – ავტორისთვისაც, ის ხომ უშურველად გასცემს ამ გამოცდილებას…”